高雄推動物認養通試飼14日 望搝懸民眾意願

公視 2021-06-10 23:10
防疫期間,民眾大多數時間攏踮厝內,若是無聊想欲揣伴,高雄市動保處也有推出,新的認養動物方案,毋但專人專車共動物送到恁兜,民眾閣會當先飼14工看覓,希望會使增加民眾認養的意願。

收容中心的狗仔看著人攏真活潑,嘛有狗仔囝看起來蓋古錐,毋過這站仔因為防疫,民眾認養減少足濟,目前有250隻狗仔,佮40隻貓仔蹛佇遮,高雄2个收容中心嘛攏已經客滿矣,為著欲較趕替in揣著新主人,動保處這馬予民眾會當先試飼14工。



因為防疫出門無方便,動保處表示,這馬民眾會當佇線頂先揀看覓佮意佗一隻動物,in有專人協助媒合,有專車共動物送到恁兜,閣會送晶片登記、3年的注射等等的好康,希望提懸民眾認養的意願。

防疫影響,民眾tshuā動物伴去動物病院的減少真濟,毋過動保處認為,民眾猶是有動物伴的需求,予狗仔貓仔陪伴厝內序大囡仔,防疫生活較袂無聊。    

台灣疫情資訊

縣市累計確診人數

相關熱門

綠色永續