藝術家巧妙翻舊厝 "古坑客廳"袂輸電影場景

公視 2021-04-08 23:10
雲林古坑,有一个親像電影魔戒的場景,其實這个所在,拋荒真久,這幾年重新整修,毋但社區民眾時常佇遮聚會,也唌真濟遊客來遮耍,咱做伙來看。

色彩真鮮,外形誠古錐的低厝仔,看著不止仔成電影"魔戒"內底的場景,遮是雲林縣的"古坑客廳",往過只是一間無咧用、嘛無人敢接近的老厝,後來透過地方的藝術家黃璟翔,tshua7領濟濟在地的志工來改造,這馬變做這款活潑的模樣,也成做地方的新景點。

毋過其實這間"古坑客廳",毋是干焦外觀真特別,佇咧整修的過程當中,黃璟翔嘛有真特殊的發現。



因為古坑遮的濟歲人比例較懸,地方一直想欲推動社區發展協會,拄好有這个空間,通好來舉辦親像唱歌、挵鼓這款的活動佮課程,予遮的序大食甲老學甲老,猶閣有提供食堂的服務,也通兼顧遮的序大的食食,予in毋免閣孤單顧厝、通好解無聊。

另外,就連邊仔的"拼圖公園"佮"舊蕭家薰樓"嘛攏做伙整修起來,這个"古坑客廳"毋但會當予在地人蹛遮聯絡感情,嘛成做濟濟人客來tshit迌的好所在,予這小小的鄉鎮會當充滿活力,更加歡樂。

相關熱門

綠色永續