紀念228受難律師湯德章 臺文尪仔冊唌人目

公視 2021-04-08 23:10
佇228事件當中,予國民黨政府銃決的律師湯德章,這馬有人共伊的故事畫做bàng-gā,而且是用全臺文來出版。原本作者閣咧煩惱全臺文的bàng-gā敢有人欲買?想袂到市場的反應煞是誠好。    參考歷史相片,共主角的形體畫出來,漫畫家蠢羊佇咧畫的是一本全臺文的bàng-gā,講的是湯德章律師的故事。湯德章日本時代佇台南出世,[本底是一个警察,發見家己因為毋是純日本人,會受著差別待遇,決定去日本考辯護士資格。考牢以後伊轉來臺灣,成做人權律師,受著尊敬。國民黨政府無偌久嘛來矣,]佇228事件,湯德章為著保護百姓學生,予國民黨政府以「危害國家民族」等等理由銃決。



會當照相片來畫形體,但是古早時的相片是看無色水,落色成做上困難的代誌,毋過這本冊的挑戰毋但按呢爾爾

其實當初時,出版社是希望出華文的版本,經過說服了後,落尾才決定用全台文的湯德章bàng-gā、佮一本華文翻譯冊的方式來出版

這本臺文bàng-gā 佇2月26上市,是有上市第一工就二刷、到今三刷的好成績;薛翰駿講,向望會使透過這本台文bàng-gā,予逐家知影講臺文會使講的題材是真濟,嘛證明臺文的出版品是有市場的。

相關熱門

綠色永續