新竹市婦女館展覽 呼籲性別平權 展現出女性勇氣

公視 2021-04-08 23:10
時代進步,女權愈來愈受著重視,新竹市婦女館成立6冬外以來,有真濟擺以兩性平權做主題的展覽。這站仔閣有一項展出,是過去協助受暴力對待婦女的社工前線的記錄,透過溫暖的相片佮文字,予逐家知影性別教育,應該對上源頭的教育出發。

這一張一張相片攏是紀錄過去,為著欲推廣性別教育,所舉辦過的活動,透過相片参故事的紹介,予參觀的民眾,更加了解性別權利平等有偌爾重要。現場閣有過去捌經歷過創傷的婦女朋友,看過了後總算會當勇敢面對家己。



除了展出真濟相關的記錄,現場閣特別設計一个空間,予逐家會使心情放輕鬆來看冊,嘛參逐家分享故事。

婦女館表示,傳統社會長久存在男女不平等的現象,欲按怎來推廣兩性平等權益,成做社會需要研究的重要議題,希望透過教育的方式,予逐家知影兩性平等的重要性。

相關熱門

綠色永續