早起09:28臺鐵事故時間 列車齊霆車螺5秒致哀

公視 2021-04-08 23:10
臺鐵今仔日用霆車螺的方式,來追思因為太魯閣事件過往的司機員佮往生者。火車駕駛聯誼會的總會長黃隆華表示,這馬的鐵枝路無安全,司機員會使講是,逐工攏咧冒險。車螺聲也是欲叫醒政府,愛重視鐵路安全。

9點28分,仝款是408車次的太魯閣號經過事故現場,用將近5秒的水螺聲,追思殉職的同仁。全台其他車站的火車,嘛仝款。

事故頭七這日,火車駕駛員聯誼會發起全台火車霆水螺,司機員也攏佇胸坎前掛黃絲帶,台鐵花蓮站第一月台安排列車、佇車頭佮車身,用兩條黃絲帶弔念司機員袁淳修佮助理司機員江沛峰。



黃隆華講,自進前普悠瑪號事故了後,平交道是當時的重點,毋過這擺太魯閣號出代誌,同仁煞發現講,連路線敢有安全空間嘛是問題, 對這站外界認為台鐵愛改革,伊也講,若有一个好的工作環境、薪水等等保障,IN毋驚改變,就看政府按怎做。

相關熱門

綠色永續