新竹學租財團13億資產還予全民 落實轉型正義

公視 2021-04-07 23:10
財團法人新竹學租財團,往過攏是以國民黨代表為主;後來財團法人法修法了後,財團的房地產、現金總共價值13億,全部規新竹市政府所管。這馬市政府按算進一步活化土地佮房產,拍算還予民眾。

1952年戰後接管日本時代財產,才成立的新竹學租財團,雖然講進前是以公益佮獎學金為主,猶毋過過去攏是特定人士把持。這馬市府拍算將財團財產還予全民,嘛算是落實轉型正義。

新竹市政府講學租財團解散了後,其中現金的部份舊年四月已經入市庫,其他不動產佮土地的部份,市府最近嘛按算趕緊規劃,提供予全民攏會使來使用。



根據了解,學租財團是接收日本政府佮人民的財產,毋過長久以來煞攏是補助特定團體,修法過程誠無簡單,這馬總算還予全民。

相關熱門

綠色永續