國家人權博物館辦展覽 認捌戰後電影審查時代

公視 2021-04-07 23:10
國家人權博物館佇4/7的言論自由日這工,推出戰後電影審查展覽,tshua7 逐家認捌過去電影需要經過審查的年代,予逐家知影這段歷史是按怎影響著創作者。

演出行動劇,表現過去威權時期,電影經過審查,創作者受著壓迫的模樣。佇過去電影審查的過程當中,政府認為無適當的部份,就會要求修改、抑是直接共鉸掉。

策展人講,親像彼个時代的臺語電影,就受真濟限制,譬如講袂使拍共產主義、烏社會佮做瘦氣這款色彩的內容;彼个時代的創作者就講,台語電影是干焦會使拍演員提手巾仔拭目屎的「無色電影」爾爾。



國家人權博物館佇4月初7言論自由日這工,推出戰後電影審查展覽,一直展到12月中,向望民眾透過這擺展覽,了解台灣電影的過去,知影這款審查制度是按怎傷害電影產業、而且打擊藝術創作者。

相關熱門

綠色永續