囡仔學用竹葉歕觱仔，有囡仔歕甲喙䫌膨膨，猶歕無路裡來。閣有囡仔揀焦去的竹仔殼，欲來看痟鬼仔殼按怎做。
咧欲PEH來到山頂的時，逐家閣發現真心適的植物。
今年37歲的周俊廷，因為細漢就佇草地大漢，希望囝仔會當透過行踏，感受四季無仝的變化，三年前創這个行踏團，就望生態和母語會當自然結合，也有爸爸媽媽生第二胎矣，閣來peh。
來到山頂，大人囝仔攏予大崙山的媠吸引，阿廷也借東北季風教逐家拗紙做風吹，囝仔攏耍甲歡喜甲。
因為佮意行踏，也愛台語，所以聚集做伙，生態行踏團的tshuā路蟲周俊廷寄望囝仔講母語像PEH山仝款自然，家長也望囝仔大漢，不管搪著啥物困難，攏會記得佇山內學著的智識，袂輸高山遐爾堅定。
