嘉義日前9隻烏面抐桮中毒 孤救活2隻今野放

公視 2021-02-21 23:10
今年2月初,嘉義布袋的湳仔地、發見9隻烏面抐桮中毒,干焦救轉來2隻,佇今日野放。保育團體指出,烏面抐桮恐驚是因為生湠地縮小,食物欠缺,才會去食著死魚仔中毒。

放出來的2隻烏面抐桮,看起來真有精神,準備欲來放散。這是今年二月初,佇布袋鹽田的湳仔地,發現中毒的其中兩隻烏面抐桮,(雖然經過治療已經恢復健康,毋過另外7隻救袂轉來,已經死亡。

保育團體表示,這擺中毒的烏面抐桮,予人發現的時陣,體格看起來攏真瘦,這是無正常的情況。烏面抐桮應該是愛食足濟食物,才有體力閣飛轉去,無應該是這種體格。



烏面抐桮感染病毒,較捷是因為食著死去的魚仔,保育團體表示,今年觀察烏面抐桮佇布袋鹽田湳仔地上濟的數量有827隻,如果食物誠實無夠,嘛莫怪會發生這種問題。

縣政府表示,烏面抐桮中毒抑是太瘦的情況佮棲地縮小,是不是有直接關係,這需要時間來調查,會繼續配合保育團體來紀錄相關的資料,保護遮逐冬飛來台灣的烏面抐桮。