世界母語日 李江却招"夾腳拖"搬戲推捒臺語

公視 2021-02-21 23:10
今仔日是世界母語日,李江却台語文教基金會、邀請夾腳拖劇團來演"小隱士想beh有一間厝",予囡仔人那聽母語故事,順紲思考環境的問題。

用寄生仔的故事,講出人佮自然的關係,囡仔毋但學台語,透過故事嘛對性命有無仝的體會

講母語當時行,這陣愈來愈濟台語家庭的家長,選擇用全台語和囡仔溝通,希望in自細漢建立母語的基礎

母語傳承是代代相傳,這陣各界嘛開始重視,除了家庭、社區、學校以外,母語的保存也是國家責任

陳豐惠表示,這陣有客家委員會、原住民委員會,但是猶無和台語相關的專責單位,也寄望民間佮政府會使做伙推動,予台灣在地的本土語言攏會當受著保障。