國史館新冊解密江南案 陳啟禮保命錄音公佈

公視 2021-02-20 23:10
1984年,華人出身美國籍的作家劉宜良,去予台灣情報局雇用的烏道份子陳啟禮遮的人暗殺,引起美國大關注。國史館今仔日發表新冊,這本冊詳細記載這層江南案的種種資料。國史館更加第1擺公開,陳啟禮保命的錄音帶。

第一改公開(kong-khai)的錄音檔案,內容是烏道人士陳啟禮為著保性命家己錄的聲,講著家己替台灣的情報單位出手,佇美國暗殺出版「蔣經國傳」的華裔作家江南。國史館這擺發表的新冊,其中這本江南案的史料,內底特別公佈前總統蔣經國執政時,情報局參烏道交陪的資料。



這本冊也講著早前軍情局長汪希苓去予關押,國民黨政府本底欲用特權特赦,但是煞予美國擋起來的內幕。

因為美國反對,主使者無排入特赦。除了針對江南案史料,也有二二八事件檔案和白色恐怖受難者蔡寬裕的訪談。國史館佇228進前發表三本冊,共國家機器按怎介入百姓的生活搤搤出來 。