總統府國策顧問"崑濱伯"下晡辭世 享壽92歲

公視 2021-02-20 23:10
總統府國策顧問,嘛是紀錄片無米樂的主角,黃崑濱、崑濱伯仔,今仔日下晡3點外,佇臺南後壁過身,食到92歲。



崑濱伯仔種稻仔超過50冬,2004年擔任記錄片無米樂其中1位主角,大受民眾歡迎。2006年,伊所種的米得著全國冠軍,共1百萬獎金捐出來,成立無米樂基金會來推廣農業。崑濱伯仔破病倒佇眠床有一段時間,總統蔡英文捌去探視2擺。崑濱伯仔佇今仔日下晡3點外過身,親友表示、伊是真安詳來離開,靈堂會設佇祖家。