生活 公視 北市提供行李房2月日 街友煩惱紲來僫負擔

北市提供行李房2月日 街友煩惱紲來僫負擔

公視 2021-01-14 23:10
臺北車頭,前一站有設予街友囥行李的所在;最近閣開放一个室內行李房,欲予街友囥物件。毋過這个行李房,其實社會局逐工攏會替街友納50箍的租金,毋是完全免費;目前只規劃租到3/7,等待若結束了後,街友也開始煩惱物件欲囥對佗位去。

街友共家己生活用品捒來車站的行李房,這是這站仔開始,台北車站提供予in囥行李的空間,目前是社會局出錢,毋過可能只出到3月初7。

街友其實誠歡喜,有一个空間閣有人看顧,予IN去作穡的時陣免驚物件無去,而且IN閣家己畫動線、做管理,會使講真自律,若掠準兩個月過,車站欲共in收租,真濟人可能無法度負擔,也毋是每一个街友攏身體遮好,會當去賺錢。



進前欲開放行李房的時陣,就有街友煩惱租金的問題,後來是社會局代出,才有這馬的成果,車頭的四箍圍仔看起來加較清爽,目前有24个街友佇遮囥,IN的小小願望,就是這个政策會當繼續。