國內 公視 南投清流部落眉原溪邊 有不明人士亂囤糞埽

南投清流部落眉原溪邊 有不明人士亂囤糞埽

公視 2020-05-22 23:21
南投仁愛鄉的清流部落,是賽德克這族的原住民,經過霧社事件了後,搬來安身的地所,毋過近來清流部」內底的眉原溪邊,煞不時有人來咧抨糞埽,甚至閣燒糞埽,村長共清潔隊反映若幾若擺,攏一直查無事主,今這陣清潔隊已經圍籬笆封路,也講別日仔,監視器嘛欲鬥落去,通掠出啥人遮無公德心。

南投縣仁愛鄉清流部落四周圍攏是山,是賽德克族人經歷霧社事件後安身的所在,空氣品質好,也真清幽,不過賽德克族人講,這冬偌的時間,佇眉原溪邊仔,定定去予人囤糞埽,而且三不五時,閣鼻會著有人燒糞埽的臭味,實在真無奈。



眉原溪邊這條路,原底是開放予人施工所設的便道,想袂到工程結束以後,竟然成作糞埽堆,仁愛鄉互助村長梁文峰表示舊年就有人亂燒糞埽,不過今年狀況燒糞埽的情形閣較嚴重,向清潔隊反映幾偌擺,不過一直掠無人,清潔隊這陣調派人手,先佇路口設圍籬,封路。

仁愛鄉鄉公所清潔隊表示依照這陣的法令,一定要當場掠著凊彩燒垃圾的人,才會使開罰,取締難度懸,未來會加強宣導,也考慮裝監視器,防止這種不法的行為。